OPTIMIZING CYCLING

Wat ech fir Iech maache kann

Bike Sizing gëtt oft mam Bike Fitting verwiesselt. Obwuel enk matenee verbonnen, sinn dës zwee Begrëffer vuneneen z'ënnerscheeden. Klickt hei fir méi iwwert den Ënnerscheed gewuer ze ginn.

Aner Déngschtleeschtungen

Iwwerdroe vun de Miessungen op en zweete Vëlo

Wann Dir zwee Stroossevëloe mat ähnlecher Geometrie hutt, awer nëmmen ee Fitting fir den Haapt-Vëlo wëllt maachen, kënne déi optiméiert Astellungen op den zweete Vëlo kopéiert ginn. Wann et net genau zwee identesch Vëloe sinn,  ginn et ëmmer Differenzen, awer Dir spuert Zäit a Suen.

Suedel op Mooss

Jiddereen ass ënnerschiddlech, all Anatomie ass anescht. Den Suedel ass normalerweis, vun all de Kontaktpunkte mam Vëlo, deen deen am meeschten empfindlech ass a sollt net vernoléissegt ginn. D’Positioun op engem Vëlo ass net natierlech, souguer optimiséiert. De Suedel bitt eigentlech nëmmen e Kompromëss: e muss genuch Ënnerstëtzung ginn a muss Form hunn, déi Iech erlaabt Iech Är Been fräi ze dréien.

E Mangel u Komfort um Suedel ass net nëmmen onangenehm, e féiert och zu Leeschtungsverloscht an am schlëmmsten zu neurologeschen a genitale Stéierungen féieren.

An deene meeschte Fäll kënnen d’Ursaachen bei enger schlechter Astellung vum Vëlo leien, engem schlechte passende Suedel, eventuell e Mangel un Muskelkraaft oder Koordinatioun. Wann dës Faktoren ausgeschloss oder eliminéiert konnte ginn, kann et eng Ursaach ginn, déi net beaflosst ka ginn kann: Är Anatomie. D’Léisung: e Suedel op Mooss.

Esou gi mir vir: deen éischte Schrëtt ass natierlech e Fitting. Vun do un, wou mir eis fir e Suedel op Mooss entscheeden,  siche mir eng vun de Modeller eraus, aus deem Äre Suedel  gemaach gëtt. Drockmiessungen op deem Suedel iwwert dem Fueren,  weisen d’Drockzonen, déi duerch d’Fräsen reduzéiert ginn. D’Liwwerzäiten sinn ongeféier zwou Wochen.

Suedeltester

Verschidde Suedel-Produzente bidden Testmodeller un, déi vun Ärem Vëloshändler ausgeléint ginn. Generell, muss Dir e selwer montéieren an astellen, a meeschtens kritt Dir nëmmen ee Suedel mat. Verschidde Marken hunn hir ganz Produktpalette ze testen, anerer net.

Wat ech Iech proposéieren:
Dir kommt mat Ärem Vëlo a mir testen Suedelen op der Plaze. Den Testsuedel-Wiessel geschitt normalerweis ganz séier, wat de Verglach vereinfacht. D’Videoanalyse erlaabt et den Afloss vum Suedel op d’Positioun vum Becken ze kontrolléieren. Wann Äre Feeling net zouverléisseg ass, kann d’Suedeldrockmiessung mat bäi.
Ech hunn déi meeschte Modeller vun de Marken Selle Italia, Cobb, gebioMized an SQLab op Stock. Wann Dir ee vun deen Suedele kaft, gëtt e richteg agestallt an Dir kritt de Bericht mat den Astellunge mat oder gemailt.

Well dat net eng Fitting-Sëtzung ass,  gëtt Är Positioun net optimiséiert. Ech recommandéieren Iech duerfir schonn e Fitting gehat ze hunn.
Wann Dir Iech fir e Fitting entscheet hutt an et stellt sech wärend der Sëtzung eraus, datt Äre Suedel net gëeegent ass, wäert ech mäint Bescht maachen, fir Iech dee passende Suedel unzebidden. Dësen Service ass dann an der Sëtzung mat abegraff.

Kuerbellängt-Tester

D’Längt vun de Manivellen ass sou wichteg a gëtt awer esou vernoléissegt. D’Längt vun de montéierte Kuerbele geet normalerweis mat der Gréisst vun de Kaderen erop, wat fir d’Fabrikanten méi einfach ass, awer net onbedéngt logesch.

Kennt Dir Är ideal Kuerbellängt? Wann Dir nach kee Sizing hat, wahrscheinlech net.

Esou wéi et Formulë fir d’Suedelhéicht, d’Distanz Suedel-Guidon, d’Breet vum Guidon, …asw, auszerechnen, gëtt et eng Formel fir d’Kuerbellängt ze berechnen déi Dir braucht. Ech kann Iech soen; ech weess et net. Net méi wéi aner Formelen, well ech se net benotzen. All dës Formelen sinn éischtens obsolet, zweetens ginn se duvunner aus, datt jiddereen déi selwecht anthropometresch Proportiounen huet, déi selwecht Flexibilitéit, déi selwecht Technik, dee selwechte Niveau, ….
Et ginn esou vill Faktoren, déi déi ideal Längt bestëmmen, datt keng Formel se ausrechne kann. Et muss getest ginn.

Duerfir bidden ech dësen Service un. Um Fit-Bike kann ech d’Astellunge Ärem Vëlo reproduzéieren (vergiesst dee net) a Kuerbellängten 155 mm an 185 mm testen .

Optiméiere vun der Schnëttstell Fouss-Pedall

D’Schnëttstell Fouss-Pedall ass d’Eenheet Fouss-Schong-Pedall. Iwwer déi Schnëttstell beweegt Dir Äre Vëlo no vir! Wann Dir wësst, datt d’Positioun vum Fouss op der Pedall wéineg ännert a wéi oft Dir an enger Stonn drop dréckt (Äre Trëttfrequenz x 60), bestëmmt dës kleng Fläch Komfort a Leeschtung. Si gëtt oft vernoléissegt,  erméiglecht awer vill Astellungen, ofhängeg vun:

  • Ärem Fouss: d’Form vun de Féiss bestëmmt wat drënner soll sinn. Adaptatioun = Komfort a Leeschtung.
  • Äre Schong: all Fouss ( si sinn oft ënnerschiddlech) muss gutt gehale sinn ouni zerdréckt ze ginn. Huelt Iech Zäit fir Är Schong unzemoossen, am beschte net moies; d’Form vun de Féiss ännert am Laf vum Dag.
  • Ären Einlagen: dëst ass e wichtege Bestanddeel vun Äre Schong, awer wéineg Schonghiersteller ginn hire Schong gutt Einlagen. Jiddefalls, an ech verheemlechen et net, sinn ech der Meenung, datt all Cyclist, genau esou vill wéi eng Sëtzpositioun op Moos, och Einlagen op Moss soll hunn.
  • de Kallen. Jee no dem Modell kënnen se an all Richtung beweegt ginn; wéi vill ass ofhängeg vun der Mark vun de Pedallen a vun de Schong  (net all Marken hunn d’Fixationsgewënner op der selwechter Plaz).
  • d’Neigung vum Fouss beim op der Pedall. Dovunner a vun der eventueller Korrektur hänkt d’Stabilitéit vum Fouss vun der Pedall of. Een onstabille Fouss ass oft eng Quell vu Verletzungen. Optimisatiounen un dëse Plaz  gëtt mat dënneKäiler gemaach, déi ënner dem Schong, ënnert der Einlage an/oder ënner der Feescht placéiert ginn.
  • engem  méigleche strukturelle Beelängtenënnerscheed.
  • vum der Pedall-Typ, déi dem Asazberäich ugepasst  soll sinn. Ze vermeiden: Stroosseschong mat MTB Pedallen
  • d’Längt vun der Pedallachs. Si muss fir Är Morphologie a Technik adaptéiert sinn.

Hat Dir gemengt, et géif duergoen, op d’Pedallen ze drécken? 😂🤣😒🤞

Bike prescription

Op Lëtzebuergesch kéint enn et iwwersetzen: Empfeelung vu Vëloen

Et besteet aus enger Lëscht vu Vëloen, déi zu Ärer Sëtzpositioun passen. Esou eng Lëscht kritt Dir ëmmer nom Bike Sizing, awer net automatesch nom Bike Fitting. Déi Moossen déi sech aus Ärem Fitting erginn, ginn eis un, wéi een Typ vu Geometrie fir Iech ideal wier, eventuell e puer Marken a Modeller déi kéinte passen. Op Ufro kënnen Empfeelunge fir Modeller mat der genauer Gréisst a passende Komponenten an engem zweete Schrëtt gemaach ginn: “Bike prescription”. Deen Service verlaangt Konzentratioun, Recherchen, Berechnungen, Email-Austausch a bestëmmt Kenntnisser, also …. Zäit. Ech hoffen, ech kann op Äert Verständnis zielen, wann dësen Service mat 19 € pro Véierel Stonn verrechent gëtt. Wat méi genee Är Ufro, wat et Iech manner kascht.

D’Informatiounen, déi Dir kritt: 

  • Mark a Modell,
  • Kadergéisst,
  • Längt a Wénkel vun der Potence,
  • Héicht vun de Spacer ënert der Potence,
  • Typ vu Guidon (resp. Aerobars)
  • Kuerbellängt

D’Berechnunge baséieren sech op:

  • d’Positioun vum Suedel a Guidon a Relatioun mat der Mëtt vum Trietlager fir Stroossevëloen
  • d’Positioun vum Suedel an vun den Arm Pads par Rapport zu der Mëtt vum Trietlager fir Triathlon- an Zäitfuervëloen

Ergänzend Informatiounen:

  • D’Berechnunge baséieren op exakt Koordinaten, net op Schätzungen. Et sinn d’Koordinaten, déi no Ärem Fitting gemooss gi sinn.
  • D‘Komponenten gi fir d’Berechnunge berécksiichtegt, awer d’Wiel vun der Faarf an d’Sich nom präzise Modell deen Ärem Budget entsprécht, gehéiere net zu dëser Déngschleeschtung!
  • Ech benotzen se nëmme fir déi nächst Berechnung, wann Dir d’Sëtzpositioun vun Ärem leschte Fitting net ännere wëllt.
  • Si méi wéi zwee Joer zanter dem leschte Fitting vergaangen, empfeelen ech Iech e Bike Sizing.
  • Erënnert Iech un d’Limitte vum Fitting: Är Sëtzpositioun nom Fitting ass déi bescht, déi Äre Vëlo a seng Komponenten erméiglechen. Idealerweis soll Äre Vëlo Ärer idealer Sëtzpositioun ugepasst sinn. Leider gëtt oft festgestallt, datt et éischter d’Sëtzpositioun ass, déi sech dem Vëlo upasse muss. Aus deem Grond empfeelen ech Iech e Bike Sizing virum Kaf vum neien Dram-Vëlo. De Präis vun esou enger Sëtzung ass lächerlech am Verglach zu de ville Suen, déi verluer si wann een dee falsche Vëlo keeft.
  • Wéi mam Sizing, funktionéieren Berechnunge gutt fir Stroosse-, Triathlon- a Zäitfuervëloen, awer manner gutt fir Mountain Bikes.

Heefeg benotzte Marken

Loading…
Top

Partner