Wien a wou sin ech?

Äre Fitter

Mäin Zil a meng Leidenschaft sinn Iech ze hëllefen eng Harmonie tëschent Iech an Ärem Vëlo ze fannen, fir Iech eng besser Leeschtung ouni Iwwerbelaschtungsverletzungen ze garantéieren.

Schaffzäiten

Kënnen der Nofro ugepasst ginn

Méindes

08:00 - 12:00 13:00 - 17:00

Dënschdes

08:00 - 12:00 14:00 - 18:00

Mëttwochs

08:00 - 12:00

Donneschdes

08:00 - 12:00 14:00 - 18:00

Freides

08:00 - 12:00 14:00 - 18:00

Samschdes

08:00 - 12:00

Hei eng graff Iwwersiicht vun den nächsten Disponibilitéiten. Et géif mech freeë geschwënn e gemeinsame Slot ze fannen.

Moies: 17. Januar
ttes: 17. Januar
Samschdes moies: 4. Februar

Wann Dir méi wéi ee Vëlo wëllt astelle loossen, empfeelen ech um 8 Auer unzefänken. Sëtzpositiounsanalyse verlaange Konzentratioun, déi beim drëtte Vëlo gäre noléisst.  Merci fir Äert Verständnis.

Heefeg gestallte Froe virun der Sëtzung

Wat soll ech fir d’Sëtzung matbréngen?

  • Äre Vëlo (passabel propper 😊, genuch Loft an de Pneu’en). D’Analyse ass dynamesch; D’Miessungen (Videoanalyse, Suedeldrockmiessung), Observatioun vun der Pedalléieren geschéien iwwert dem Pedalléieren op Ärem Vëlo.
  • Triathlon oder Zäitfuervëlo: Bréngt w.e.g. de ganzen Kit mat(inkl. Spacers).
  • Är Vëlosschung. D’Astelle vun de Kallen ass ee wichtege Bestanddeel vum Fitting. Fuschnei Kalle liwwere keng Informatioun; wiesselt se w.e.g. net fir d’Sëtzung. Natiirlech, wann se zevill ofgenotzt sinn, wäert ech se ersetzen, awer nëmmen nodeems ech déi al gesinn hunn (op de Schong!)
  • Är Vëlostenue, idealerweis kuerz. Baggy Shorts sinn net ideal an Jeans-Boxen net ubruecht.
  • Eventuell laangt Gezei, wann et frësch dobaussen ass. No den Astellunge schloen ech Iech eng kleng Testfaart fir (äusser Formel Express), wann d’Wieder net ze schlecht ass. D’Gefill op der Strooss ass net wéi am Labo.
  • Ären Kompetitiounshelm, wann Dir mat engem Triathlon- oder Zäitfuervëlo kommt. Den Helm gëtt och recommandéiert fir d’Testfaart.
  • Medezinesch Berichter oder radiologesch Bilan’en wann orthopedesch oder neurologesch Suergen Iech de Genoss vum Vëlofueren verdierwen.
  • Zäit; d’Sëtzung dauert tëschent zwou a véier Stonnen, ofhängeg vun der Formel a vum Vëlo. A kleng Modifikatiounen kënnen oft méi Zäit an Usproch huele wéi virgesinn..

Gitt Dir mir Recommandatioune fir de Kaf vum nächste Vëlo nom Fitting?

Méiglecherweis hutt dir d’Äntwert op dës Fro schonn an der Rubrik “Aner Dénschtleeschtungen” gelies.

Eng Lëscht vu Vëloen, déi zu Ärer Sëtzpositioun passen, kritt Dir ëmmer nom Bike Sizing, awer net automatesch nom Bike Fitting. Déi Moossen déi sech aus Ärem Fitting erginn, ginn eis un, wéi een Typ vu Geometrie fir Iech ideal wier, eventuell e puer Marken a Modeller déi kéinte passen. Op Ufro kënnen Empfeelunge fir Modeller mat der genauer Gréisst a passende Komponenten an engem zweete Schrëtt gemaach ginn: “Bike prescription”. Deen Service verlaangt Konzentratioun, Recherchen, Berechnungen, Email-Austausch a bestëmmt Kenntnisser, also …. Zäit. Ech hoffen, ech kann op Äert Verständnis zielen, wann dësen Service mat 19 € pro Véierel Stonn verrechent gëtt.
Wat méi genee Är Ufro, wat et Iech manner kascht.

  • D’Berechnunge baséieren op exakt Koordinaten, net op Schätzungen. Et sinn d’Koordinaten, déi no Ärem Fitting gemooss gi sinn.
  • Ech benotzen se nëmme fir déi nächst Berechnung, wann Dir d’Sëtzpositioun vun Ärem leschte Fitting net ännere wëllt.
  • Si méi wéi zwee Joer zanter dem leschte Fitting vergaangen, empfeelen ech Iech e Bike Sizing.
  • Erënnert Iech un d’Limitte vum Fitting: Är Sëtzpositioun nom Fitting ass déi bescht, déi Äre Vëlo a seng Komponenten erméiglechen. Idealerweis soll Äre Vëlo Ärer idealer Sëtzpositioun ugepasst sinn. Leider gëtt oft festgestallt, datt et éischter d’Sëtzpositioun ass, déi sech dem Vëlo upasse muss. Aus deem Grond empfeelen ech Iech e Bike Sizing virum Kaf vum neien Dram-Vëlo. De Präis vun esou enger Sëtzung ass lächerlech am Verglach zu de ville Suen, déi verluer si wann een dee falsche Vëlo keeft.

Stellt Dir och d’Kallen an?

Et ass e wichtege Bestanddeel vum Bike-Fitting, souwuel fir der Kraaftiwwerdoung op d’Pedallen wéi och fir d’Virbeugen vu Iwwerbelaaschtungsproblemer no uewen: Knéien, Hëften, … bis an d’Hänn. E Bike-Fitting ouni Iwwerpréiwung vun der Positioun vun de Kallen ass onvirstellbar.
D’Kontroll vun der richteger Positioun vun de Kallen ass am Fitting abegraff, gëtt awer als separaten Service ugebueden. An deem Fall géif ech Iech bieden, mat Ärem Vëlo ze kommen, fir datt ech an der Dynamik d’Präzisioun vun der Astellung vun de Kallen ze kontrolléieren an d’Noutwendegkeet vun eventuellen aneren Upassungen ( Varus, Valgus, Beelängtenënnerscheed, Längt vun de Pedallachsen, ,,,) aschätzen.

Gëtt mäi Vëlo fäerdeg agestallt?

Prinzipiell jo, wann Äre Kader net vill ze kleng oder vill ze grouss ass.
Ech stockéire Komponenten (Potencen, Guidon’en, Aerobars, Suedelen, Pedallen, Kallen …), déi néideg sinn fir Är optimal Positioun anzestellen. Si ginn direkt op der Plaz montéiert. Wann awer d’Marken, mat deenen ech schaffen, Iech net gefalen, kënnt Dir mat den Informatiounen déi ech Iech matginn, Är Komponeten sëlwer eraussichen a montéieren.

Kréien ech no der Sëtzung eppes mat?

Äre Vëlo a Setup gi virun a no den Astellunge gemooss. Dir kritt e Fit-Bericht gemailt (oder gedréckt wann Dir et léiwer hutt), mat de Videosequenzen vu virun an no de Modifkatiounen der Startplaz an der Endpositioun (ausser auszedrécken Formel).
Är Donnéeën ginn ëmmer gespäichert. Wann Dir se verléiert, kënnt Dir mech gäre kontaktéieren.

Wéi kann ech bezuelen?

Fir eng Express-Formel: nëmme boer
Fir déi aner Formelen:

  • Boer
  • Kreditkaarten: Visa, Maestro, V Pay, Bancontact (keen Amex oder Mastercard)
  • Digicash

Dir hutt Iech fir meng Déngschtleeschtung entscheet?

Merci fir Äert Vertrauen. Huel Iech w.e.g. eng-zwou Minutten Zäit fir mir e puer Informatioune matzedeelen, déi mir hëllefen Är Sëtzung ze preparéieren.

Gewënschten Déngschtleeschtung(en)? Notiz: d'Astelle vun de Kallen ass am Fitting abegraff (1 Puer / Vëlo); net am Sizing.

Typ vu Vëlo?

Dir verstitt datt Zäit fir Iech reservéiert ass. Akzeptéiert Dir, datt 90 € / Vëlo verrechent ginn, wann Dir manner wéi zwee Schaffdeeg am Viraus ofsot?

Dir braucht zousätzlech Informatiounen?

Hutt Dir op dëser Homepage Informatioune vermësst? Fëllt w.e.g. dëse klenge Formulaire aus.